Նորություններ

21
Հոկտեմբերի 2020
Համակցված շոգեգազային ցիկլով աշխատող էներգաբլոկի գազատուրբինի GT13E2 MXL2-ի կոմպրեսորի UPFLOW արդիականացում
  • Դիտումներ 0

Սույն թվականի սեպտեմբերի 4-ից Ընկերությունը սկսեց իրականացնել GT13E2 MXL2-ի UPFLOW կոմպրեսորի արդիականացումը, Ընկերությունն արդիականացման վերաբերյալ ՀՀ հանրային ծառայությունները կարգավորող հանձնաժողով էր ներկայացրել ներդրումային ծրագիր GT13E2 MXL2-ի UPFLOW կոմպրեսորի արդիականացման վերաբերյալ, որը հաստատվել էր ՀՀ ՀԾԿՀ-ի կողմից 2020թ.-ի հունիսի 17-ին թիվ 215Ա որոշմամբ:

09
Հոկտեմբերի 2020
Ամեն ինչ` ճակատի համար, Ամենքս` հայրենիքի համար
  • Դիտումներ 0

Արցախն ունի բոլորիս կարիքը: Անկախ մեր գտնվելու վայրից՝ յուրաքանչյուրս զինվոր ենք և պետք է մեր ներդրումն ունենանք այս պատերազմում:

21
Սեպտեմբերի 2020
Տոնդ շնորհավոր, մեր հայրենիք
  • Դիտումներ 0

«Երևանի ՋԷԿ» Ընկերության ղեկավարության և անձնակազմի անունից շնորհավորում եմ բոլորիս համազգային տոնի՝ Հայաստանի Անկախության օրվա առթիվ։

18
Սեպտեմբերի 2020
«Լավագույն աշխատակից» անվանակարգի քվեարկության արդյունքների ամփոփում
  • Դիտումներ 0

«Երևանի ՋԷԿ» ՓԲԸ-ի տնօրինությունը, արհմիութենական կոմիտեն մշտական ուշադրության կենտրոնում են պահում աշխատակիցների սոցիալական բարեկեցությունը և ապահովությունը, առողջության պահպանումը:

20
Օգոստոսի 2020
Առցանց հանդիպում Իրանի գազի ազգային կազմակերպության ներկայացուցիչների հետ
  • Դիտումներ 0

Օգոստոսի 13-ին Իրանի իսլամական հանրապետությունում ՀՀ դեսպանատան աջակցությամբ տեղի ունեցավ առցանց հանդիպում Իրանի գազի ազգային կազմակերպության ներկայացուցիչների հետ։

22
Հունիսի 2020
«Երևանի ՋԷԿ» ՓԲԸ-ի գազատուրբինային տեղակայանքի կոմպրեսորի «Upflow» արդիականացման աշխատանքային նախագծի շրջակա միջավայրի վրա ազդեցության գնահատման հայտի վերաբերյալ հանրային քննարկումներ
  • Դիտումներ 0

Սույն թվականի հունիսի 1-ին «Երևանի ՋԷԿ» ՓԲԸ-ում «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի /21.06.2014թ. Հ0-110-Ն/ 12-րդ, 13-րդ հոդվածների, 16-րդ հոդվածի 4-րդ մասի 6-րդ կետի և ՀՀ կառավարության 2015թ. նոյեմբերի 19-ի «Հանրային ծանուցման և քննարկումների իրականացման կարգը սահմանելու մասին» N 1325-Ն որոշմամբ սահմանված կարգով (երկրորդ փուլ) տեղի ունեցավ «Երևան ՋԷԿ» ՓԲԸ-ի կողմից ձեռնարկված «Երևանի ՋԷԿ» ՓԲԸ-ի գազատուրբինային տեղակայանքի կոմպրեսորի «Upflow» արդիականացման աշխատանքային նախագծի շրջակա միջավայրի վրա ազդեցության գնահատման հայտի վերաբերյալ հանրային քննարկումներ:
Հանրային քննարկումներին մասնակցում էին «Երևանի ՋԷԿ» ՓԲԸ-ի գլխավոր տնօրենի պարտականությունները կատարող՝ Ա. Բաղդասարյանը, ԱՏԲ պետի տեղակալ (էկոլոգ)՝ Շ. Տոնապետյանը, Երևանի քաղաքապետարանի բնապահպանության վարչության առաջատար մասնագետ՝ Գ. Ավետիսյանը, ՇՄԱՓ ՊՈԱԿ-ի մասնագետ՝ Հ. Մկրտչյանը, «էկոբարիք Աուդիտ» ՍՊԸ-ի տնօրեն՝ Ա. Միրզախանյանը և անկախ փորձագետ-բնապահպան՝ Ա. Գալոյանը:
Բոլոր մասնակիցները ներկայացել էին հանրային քննարկումներին նոր կորոնավիրուսի տարածումը կանխարգելելու նպատակով պարետատան կողմից սահմանված կանոններին համապատասխան: Հանրային քննարկումները կազմակերպված էին բացօթյա տարածքում:
Բացման խոսքով հանդես եկավ Երևանի քաղաքապետարանի բնապահպանության վարչության աշխատակից Գ. Ավետիսյանը: Վերազինման գործընթացը ներկայացնելու համար խոսքը տրվեց «Երևան ՋԷԿ» ՓԲԸ-ի արտադրատեխնիակական բաժնի պետի տեղակալ Շ. Տոնապետյանին, վերջինս և ներկայացրեց վերազինման ողջ գործընթացը: Հ. Մկրտչյանը ներկայացրեց բնապահպանական փորձաքննության ընթացակարգը, նշելով, որ օրենքով սահմանված կարգով և ժամկետներում կտրամադրվի փորձաքննական եզրակացությունը: Երևանի քաղաքապետարանի բնապահպանության վարչության աշխատակից Գ. Ավետիսյանը, հավանություն հայտնելով նախատեսվող գործունեության վերաբերյալ, կարևորեց նաև ընկերության կողմից իրականացվող կանաչապատման և բարեկարգման աշխատանքները:
Հանրային լսումների արդյունքում մասնակիցները որոշեցին՝
Հավանություն տալ նախատեսվող գործունեությանը:

22
Հունիսի 2020
Հաստատվել է Ընկերության 2020 թվականի ներդրումային ծրագիրը
  • Դիտումներ 0

ՀՀ հանրային ծառայությունները կարգավորող հանձնաժողովի հունիսի 17-ի նիստի օրակարգում ներկայացված է եղել «Երևանի Ջերմաէլեկտրակենտրոն» փակ բաժնետիրական ընկերության 2020 թվականի ներդրումային ծրագրին համաձայնություն տալու մասին որոշման նածագիծը:
ՀՀ հանրային ծառայությունները կարգավորող հանձնաժողովը որոշել է. համաձայնություն տալ «Երևանի Ջերմաէլեկտրակենտրոն» փակ բաժնետիրական ընկերության 2020 թվականի ներդրումային ծրագրին:
Ընկերության 2020 թվականի ներդրումային ծրագիրը կազմում է 1 156,3 մլն դրամ` առանց ավելացված արժեքի հարկի՝ հետևյալ հիմնական ուղղություններով.

ա. համակցված շոգեգազային ցիկլով աշխատող թիվ 1 էներգաբլոկի GT13E2 MXL2-ի UPFLOW արդիականացում ՝ 955,5 մլն դրամ.
բ. ընկերության բնականոն գործունեության ապահովմանն ուղղված ներդրումներ՝ 7,3 մլն դրամ.
գ. 2019թ. համաձայնեցված ներդրումների ծավալը գերազանցող ներդրումներ՝ 193,5 մլն դրամ:

05
Հունիսի 2020
Վարակազերծման աշխատանքներն Ընկերության ողջ տարածքում
  • Դիտումներ 0

Մեր աշխատակիցների ու հանրային առողջության պահպանումը շարունակում է մնալ Ընկերության ուշադրության կենտրոնում և վարակի կանխարգելմանն ուղղված իրականացվող միջոցառումներն ու համաճարակային նորմերի պահպանումն օրեցօր ավելի է խստացվում: Ախտահանման աշխատանքներն արդյունավետ իրականացնելու համար Ընկերությունը կիրառում է լավագույն ախտահանիչ միջոցներն ու պարագաները: Ախտահանման աշխատանքներն իրականացվում է ամեն օր՝ յուրաքանչյուր աշխատանքային օրից և հերթափոխից հետո:

05
Հունիսի 2020
«Էլեկտրահաղորդման ցանցի բարելավման» շրջանակներում Երևանի ՋԷԿ-ի 220/110/35 կՎ ենթակայանի վերակառուցման ծրագիր
  • Դիտումներ 0

Նոր` ՀՇԳՑ էներգաբլոկի անխափան և օգտակար գործունեությունն ապահովելու համար, Ընկերության առաջ խնդիր դրվեց կառուցել նոր ենթակայան, քանի որ հին ենթակայանն այլևս ի զորու չէր լիարժեք սպասարկում իրականացնել: Անվտանգ և հուսալի էներգամատակարարում ապահովելու համար «Երևանի Ջերմաէլեկտրակենտրոն» ՓԲԸ-ի կողմից իրականացվեց Հայաստանի Հանրապետության և Վերակառուցման և զարգացման միջազգային բանկի միջև 2015թ. ապրիլի 8-ին կնքված №8495-AM վարկային համաձայնագրի ներքո «Էլեկտրահաղորդման ցանցի բարելավման» շրջանակներում Երևանի ՋԷԿ-ի 220/110/35 կՎ ենթակայանի վերակառուցման ներդրումային ծրագիրը: Ծրագրի իրականացումը մեկնարկեց 2017թ.-ին և շահագործման հանձնվեց 2019թ.-ի ընթացքում: Ծրագրի նպատակն է բարելավել և հզորացնել ՀՀ Էլեկտրահաղորդման ցանցը:

+374 11 472 760

mailbox@ytpc.am

0053, Yerevan, Arin-Berdi St. 3rd Lane, 3 Bld., Armenia